Vir 10

Merheba wendoği qedırgırani!

Omara desın a Vir, heyna bı nuşteyanê Zazaki u bı kelimeyanê ruhê zıwanê ma bena mısafırê şıma. Pê ına omar, hiri serri Vir beni temam u serra çarın dest kena pê.

Omara desın a Vir dı ca diya 23 nuşteyan.

Mela Ezizê Cebexçuri u Mela Ebdulqadırê Muşeki, bı qesideyanê xu reng da ına omar.

Mehmet Mahfuz Söylemez, Ali Karan, Murat Varol, Berfin Jêle, İdris Söylemez, Ahmet Hakan Vergi, Canan Kaçar pê şiiranê xu ına omar dı ca gırot. İsmail Söylemezi qê ına omar yo şiira Şehriyar, Farıski ra açarna Zazaki.

Sait Çiya, İbrahim Dağılma u Hayrettin Dervişoğlu wayirê hikayeyan ê ına omar i. Seyfettin Çintay zi ına omar dı pê nuşteyê xu yê muhakeme, dınyaya kelimeyan dı geyreno.

Mikail Söylemezi, derheqê muxayile u teknikê şiir dı nuşteyêko derg u bı qıymet kerdo hedre. Nuştoğ, nuşte dı hem weziyetê şiira Zazaki ser vındeno hem zi semedê istiqbalê şiira Zazaki çend tewsiyeyanê xu ano zıwan.

Ahmet Tartık, Elif Avcı, Münevver Akbana, Nurgül Bitmez, Mesut Yılmaz, Sümeyye Yöndeş estanıki omara desın kerdi hedre, desti inan terni bi. Peyniya omar dı heyna vateyi verinan u idyomi ca geni u ıni rıpeli zi hetê Münevver Akbana ra ameyi hedrekerdış.

Omara desın bı xeyr bo!