Gotarên Vekolînên Çanda Kurdî

Kurdên bakurî di van salên dawî da bi saya hin derfetan di warê vekolînên çandî da pêngavên baş diavêjin û ev xebat jî yek ji van pêngavan e. Bi vê mebestê me bi beşdarîya çendîn vekoleran “gotarên vekolînên çanda kurdî” pêk anî ku xala wan a hevbeş kurd û çanda kurdî ye. Ji alîyê şaxên kurdnasîyê ve ev xebat vekolînên qadên folklor, mîtolojî, edebîyata zarokan, edebîyata klasîk, edebîyata nû, ziman, dîrok, wergêran, dîn û çanda giştî li xwe digire. Ji alîyê zimanî ve jî ji 21 gotarên vê xebatê 12 jê bi zimanê kurdî, 6 bi tirkî, 2 bi farisî û 1 jî bi îngilîzî hatine nivîsîn.

Di vê çarçoveyê da Shahab Vali, li ser mîtolojîya kurdan, Ayhan Yıldız, Gülbendin Gülmez, Türkan Tosun û Mehmet Yüce li ser folklora kurdî, Ferhat Çiftçi mijareke edebîyata zarokan, M. Zana Karak, Mesut Arslan û Önder Beyter li ser edebîyata klasîk, Güneş Kan li ser deqeke edebîyata nû, Ahmet Seyarî li ser Tesrîfa Teremaxî mijareke zimanî, Ümit Eser-Aydın Bayad-Kenan Alparslan-Ercan Şen li ser kêşeya kurdî di tezên psîkolojîyê da, Orhan Örs, Kenan Bozkurt, Caner Yelbaşı û Elî Rehmetî li ser dîroka kurdan, Ekrem Bexşî li ser neqşên xalî yên du eşîretên kurdên Îranê, Mehmet Bezat Ekinci-Metin Sert-Ömer Doru li ser aborîya Mêrdînê, Bayram Kanarya li ser nirxandina Hedîsên Cenabê Pêxember a Kamiran Bedirxanî, Nevzat Eminoğlu û Haşim Özdaş jî li ser wergêrana deqên dînî yên kurdî bîr û rayên xwe yên zanistî pêşkêşî me dikin.