Hangar Fünf-Derîyê Winda

Hangar Fünf/Derîyê Winda, çîroka kesên ji "sê hawirdorên cîhanê" ji ber şer û zilmê ji bêgavî ji warên xwe berê xwe didin ser heman rêyê... Hangar Fünf, cîhanê dike gundekî biçûk û ev kesên ji bêgavî terka warên xwe dikin, dibin kesine ji heman axê. Bi vî awayî hîn bêtir a di dilên hev de fêm dikin, li dor heman hêvî û hestan dibin xelek.


Yildiz Çakar, di vê romana xwe de êdî meseleyê ji nav sînorên Kurdistanê derdixe û ber bi sînorine din ve dibe. Lê gava wiha dike bi çavekî din li cîhanê, ji Afxanistanê heya Ganayê, dinêre. Di vê nêrînê de bindestîyên xwedî hêvî û axtapotek mezin dibîne. Ev axtapot, tiştekî wiha ye ku bes xwe li lingên bindestan dilefîne. Çakar, bi karaktera bi navê Lîlan, çîroka xwe bi honandineke serketî lê kiriye. Lê ev liv û tevgera lêgerîna li hêvîyê bargiran e. Piştî xwegihandina hinek qonaxan, di nava trajedîya qonaxa nû de windabûnek rû dide...