Lêlê Şodırî De Yew Rayîrwan
Sey waştena xo rojî ra ver rest serê koyî. Rojî pey koyan ra giran-giran sereyê xo vetêne. Merdimî winî zanitêne ke serê ê koyan de yew adiro girs wekerde bî û kila ê adirî zî heta rîyê asmênî bîbî berz, sey gonî sûr asayêne. Azad winî cayê xo de şaşbîye mend. Heta ke roj rind bî berz û pey koyî ra vejîya winî qayîtê rojî kerd. Eke destê ey ra biameyêne ey a rindekîye winî bidayêne vinetene. La hewrê sûrî zereyê tîja çeqere de bîbî vîndî.
Êdî serê gilê koyî ra şîyêne.Derûdor pêro binê linganê ey de mendîbî. Çiqas biwazo hende dûrî asayêne. Tene ke şî reyna peyser agêra û hetê rojî ra ewnîya. Deşta Mose roştîya tîje de bîbî vîndî. Her ca sey camî bereqîyayêne. Eke yewê xerîbê uca ra qayîtê deşte bikerdêne, ey do bivatenê uca derya yo. Nêvinet, rayîrê xo ra şî. Key ke ame duştê Koyê Munzurî vindet. Pîşta xo şanaye yew kemera sîyaye û ronişt.
| Yayınevi | : | Vate Yayınevi |
Spas ji bo hewildanên we