Vervate

Ferheng Zazaca-Zazaca Hazırlanmıştır

Ma heme çîyî ra verrî xebatê erciyaye î hendê semedê nuştoxê xo rê vone ti berxudarê bî Umer Faruq ERSOZ! Na xebatê Kirdkî yew xebata newa ya... Beno kê na sebebê ra kitabê de toyê cayonê de xeletîye ma zi bîyebo. Ziwanê de, rastnuştişê de nêmcetonîye xo encax ma peyî rexneyonê wendekaron ercaye yo xo reydi raşt bikere û ziwanê xo, xebaton xo hina berê aver… Na sebebê ra ayo kî nî kitabê erciyeya vêneno waxtê xo dono, renc dono, sifle kaşkeno hem nî kitabê woneno heme zi nî kitabê reydi xebaton xo hina beno aver eke yew hebe zi havilê ma ayenî rî bena se ma peyî inayê hem baxtiware bene heme zi keyfweş bene. Ancina aye kî derheqê de na xebatê de fikro xo vajo, rexneyonê xo bikero na rencayê wendekarê ma yê erciya ye zi va bizanayene kî na lebate, na xîretê ayenî zi ma hete ra hem zafê mûhim a heme zi xebatonê ma de hemvere xo, cayê xo vênena.

‘Vateyê Verênan’ hewa ko ma core de va yew xebata kî zafê ercaya ya. Na ware de zi yew xebata newaya zi… Xebatê ‘Vateyê Verênan’ xo miyon de zafê çiyon zi kirişene. Yew tewir nimuneyê zi nî kitabê… Na semedê ra ma yeqinê kene kî hem nuştox ma Umer Faruq ERSOZê hem zi ma zafê renc daye nî kitabê, zafê zi waxtê ma gîrewt redeksîyon nî kitabî… Ancina xeletî ma zi estene. Nî xeleto ma beno kî baskiya neweyê de bigîre xo çimon ver û gorebê ayenî xebatê xo de dewam bikere.

Wendekarê ma yê ercaye yê yew cîyî hewl zanayene kî ziwanê Kirdkî hema standardize nêbîyo. Ziwanê kî standardize nêbîyo aye ziwanê de fekê caye, fekê mintîqayon ziwanê de bandurayê xo nawîneno. Kitabê ma de zi heyonê kî ma destê ra omeyo ma çekuyê standardize gurînaye. Labelê ma na dahkara de çiqas serfirazê bîye şiroveyê na mesela ma wendekaronê xo ri verdene.

‘Vateyê Verênan’ nameye de ayenî ra hawa kî yeno fehm kerdişê zi vateye şarê yî. Vateyê kî hetayê de şarê ra vateyê ma nînanê ra vonê; ‘Vateyê Verênan.’ Vateyê cevherîye nî vateye. Labele hergo ‘Vateyê Verênan’ê zi ma nêeşkene bigîre na kategorî. Îdyomê, vateyê kî rojane miyonê de vateyê pêro na kategorî de nêye. Beno kê na dahka de zi xeletê ma bîbe. Na mesele de yew xetê tepiştişê zafê renc û xebatê vazeno. Ma xo ra yeqînê; labelê na dahka de rexneyonê wendekaronê de reydi ma hina aver şone ziwanê Kirdkî de hina eseron senînîyanê zi peşkeş kene wendekaronê xo….

Ma core de zi va, zaravaya Kirdkî de persgîrika tewr havzelê standardize nêbiyayişê ziwanê yo. Na semedê kî çekuyonê ma miyonê de ‘Vateyê Verênan’ê ma miyonê de çekuyê Kurmanckî yê zi zafê vîyertene. Beno kê rîsteya ma pêro zi Kurmanckî yo bo. Derheqêna mesela de zi ma vone qay Kirdkî çiqas şîro hetayê standardize kerdiş nî meseleyê hina kêmîyîyene.

Bimonê weşî reydi