Vir 6

Mecmuaya Vir, bı omara xu ya şeşın heyna veciyena rayir u resena deste wendoğanê xu.

Nuşteyi Zazaki, yona dor miyanê heme şarê ma dı beni vıla u yeni wendış. Omar bı omar

arşiva nuşteyanê Vir bınêna bena xurt, nuştoğ u wendoği Vir zi zêdiyeni.

Omara şeşın a Vir dı, ca diya vist nuşteyan. Ina omar dı, dı nuşteyi klasiki, duyes mesela u

estanıki, çar şiiri u dı zi hikayeyi ca geni. Heta ma dest ra biyero, ma qayili omara nuşteyanê

klasikan bızêdin. Ma ehemiyet dani nuşteyanê klasikan u inan hem pey herfanê Erebki hem zi

bı transkripsiyon neşır keni. Ina omar dı zi, nuşteyi Malla Kamil Pueği u Malla Ebdulqadir

Muşeki ca geni.

Nuşteyi folklor, semedê hiş u cuyayişê şarê ma muhim i. Ma eşkeni rêça kalık u bawkalanê

xu, nuşteyanê folklori ser a teqib bıker u bıres inan. Kamile Çiçek, Danyal Apuhan, Ayşe

Ortakaya, Hasan Savsa, Şeyma Argın, Bilal Yakışan, Pervin Septioğlu, Mehmet Kaçmaz,

Semavi Aldemir, Mehmet Ayaz, Hatip Erdoğmuş u Necmettin Acar pey mesela u estanıkan

paşt da ına omar.

Edebiyato modern, qê averşiyayişê Zazaki zê kılitê zıwani yo. Pey nuşteyanê edebiyatê

moderni, zıwan roc bı roc aver şıno u xu keno newe. Ino semed ra ma wazeni wa nuşteyi

moderni hına zaf ca bıgeri. Ina omar dı Fahri Pamukçu u Hayreddin Dervişoğlu pey

hikayeyanê xu; Ali Karan, Nurettin Kayğısız, Yusuf Ziya Aydın u Ekrem Bucuka pey şiiranê

xu ca gırot.

Wa destê heme nuştoğanê Vir tern bo.